Мектепке тағзым

Мектебімізде Елбасы Н.Ә.Назарбаевтың «Болашаққа бағдар: Рухани жаңғыру» атты мақаласын іске асыру мақсатында    «Мектепке тағзым» атты   іс – шара өткізілді.  Акцияның мақсаты: Түлектерді туған жеріне, білім алған мектептеріне, сабақ берген ұстаздарына құрмет көрсетуге шақыру, оқушыларға өз мектептерін бітірген танымал түлектердің табысты өмір жолын үлгі ету. Осыдан  25 жыл бұрын мектеп бітіріп кеткен түлектер сонау Ресей, Германия жерінен және Қазақстанның түкпір түкпірінен келіп, өздерінің ұстаздарына,мектебіне  ыстық ықыластарын білдірді. Солардың бірі С.Майер  оқушыларға  өзінің спорттағы    жетістіктері мен  табысты өмірі жолы туралы айтып өтті. Сонымен қатар, ол өзінің білім ошағына  сый – құрмет көрсетіп, мектеп үшін қажетті доптарды сыйға  тартты.  Қонақтарымыздың  құрметіне мектебіміздің дарынды оқушылары ән, би орындады.